“माझं ऐकलं नाही तर, तुझ्या आईला मारुन टाकेन”; धमकी देत विद्यार्थिनीवर शिक्षकाचा बलात्कार
By ऑनलाइन लोकमत | Published: September 23, 2021 07:56 PM2021-09-23T19:56:45+5:302021-09-23T19:57:29+5:30
शिक्षक हा कोचिंग क्लासचा संचालक आहे. मुलीवर बलात्कार केल्याप्रकरणी त्याच्याविरोधात पॉक्सो अंतर्गत गुन्हा नोंदवण्यात आला आहे.
“माझं ऐकलं नाही तर, तुझ्या आईला मारुन टाकेन”; धमकी देत विद्यार्थिनीवर शिक्षकाचा बलात्कार
Next होशंगाबाद – मध्य प्रदेशातील होशंगाबाद जिल्ह्यात माणुसकीला काळीमा फासणारी भयानक घटना घडली आहे. याठिकाणी एका शिक्षकाने स्वत:च्या अल्पवयीन विद्यार्थिनीला शिकार बनवलं आहे. विद्यार्थिनीला धमकी देऊन शिक्षक तिच्यावर अतिप्रसंग करायचा. अनेक महिने शिक्षकाने दहशतीचा फायदा घेत विद्यार्थिनीवर बलात्कार केला. मात्र आता हे प्रकरण समोर आल्यानंतर शिक्षकाविरोधात संतापाची लाट पसरली आहे.
शिक्षक हा कोचिंग क्लासचा संचालक आहे. मुलीवर बलात्कार केल्याप्रकरणी त्याच्याविरोधात पॉक्सो अंतर्गत गुन्हा नोंदवण्यात आला आहे. आरोपी हा काशिव सर एकेडमीचा संचालक आहे. त्याचे नाव यूके काशिव आहे. अनेक दिवसांपासून शिक्षक विद्यार्थिनीचा लैंगिक छळ करत होता. बुधवारी पुन्हा त्याने मुलीचा छेड काढली. ज्यानंतर पीडित मुलीची सहनशीलता संपली आणि तिने तिच्यावरील अत्याचाराची माहिती घरच्यांना दिली. त्यानंतर पीडित मुलीच्या कुटुंबाने यूके काशिव याच्याविरोधात पोलीस ठाण्यात धाव घेतली. त्यानंतर पोलिसांनी तातडीने या प्रकरणात पॉक्सो अंतर्गत गुन्हा नोंदवून शिक्षकाला ताब्यात घेतले.
बर्थ डेच्या दिवशी घेतलेला एक निर्णय घातक ठरला, आनंदाच्या वातावरण पडलं विरजन #INCIDENThttps://t.co/JP6wRp3S3I
— Lokmat (@MiLOKMAT) September 23, 2021
गुन्हे शाखेच्या पोलीस अधिकाऱ्यांनी या प्रकरणाची चौकशी केली. त्यानंतर अडीच तासांनी कोचिंग सेंटर बंद करण्यात आलं. याबाबत एसडीओपी मंजू चौहान म्हणाले की, हाऊसिंग बोर्ड येथील काशिव एकेडमीमध्ये ११ वीत शिकणाऱ्या अल्पवयीन मुलीवर हा प्रसंग आला आहे. ती कोचिंग क्लासमध्ये शिकण्यासाठी येत होती. या मुलीच्या वडिलांचं निधन झालं आहे. कोचिंग क्लासचे संचालक काशिव हे माजी सैनिक आहेत. त्याने विद्यार्थिनीच्या आईचा अपघात करण्याची धमकी देत जानेवारीपासून तिच्यासोबत बलात्कार केला. त्यानंतर मुलीच्या आईला जीवे मारण्याची धमकी देत तिचं लैंगिक शोषण सातत्याने करत गेला.