कधी न दिसलेल्या अंदाजात पहिल्यांदा दिसली प्राजक्ता माळी, फोटो पाहून फॅन्स म्हणाले बोल्ड अँड सेक्सी
By ऑनलाइन लोकमत | Published: October 15, 2019 04:58 PM2019-10-15T16:58:40+5:302019-10-15T17:09:53+5:30
छोटा पडदा असो किंवा रुपेरी पडदा आपल्या अभिनयाची मोहिनी तिने दोन्हीकडे घातली.
कधी न दिसलेल्या अंदाजात पहिल्यांदा दिसली प्राजक्ता माळी, फोटो पाहून फॅन्स म्हणाले बोल्ड अँड सेक्सी
Next छोटा पडदा असो किंवा रुपेरी पडदा प्राजक्ताने आपल्या अभिनयाची मोहिनी दोन्हीकडे घातली. अभिनेत्री प्राजक्ता माळी हिने आपल्या अभिनय कौशल्याच्या जोरावर प्रेक्षकांच्या मनात एक वेगळी जागा निर्माण केली आहे. सहजसुंदर अभिनय, घायाळ करणारं सौंदर्य आणि अदा तसंच लक्षवेधी स्टाईल यामुळे प्राजक्ताने रसिकांच्या मनावर अधिराज्य गाजवण्यास सुरुवात केली. प्राजक्ता सोशल मीडियावरही बरीच सक्रिय आहे.
सिनेमा असो किंवा पसर्नल लाईफ अगदी आगामी प्रोजेक्टबद्दलची माहिती ही ती आपल्या फॅन्ससह शेअर करते. आपले फोटोसुद्धा फॅन्ससह शेअर करत असते आणि त्यांच्याशी संवादही साधत असते. तिचे फॅन्सही तिच्या फोटोंना भरभरुन लाईक्स आणि कमेंट्सच्या माध्यमातून पसंती देत असतात.
नुकताच प्राजक्ताने इन्स्टाग्रामवर एक फोटो शेअर केला आहे. यात ती आतापर्यंत न दिसलेल्या अशा अंदाजात दिसली आहे. प्राजक्ताचा हा लूक तिच्या फॅन्सना आवडला आहे. ब्युटिफूल, फॅब्युलस अशा कमेंट्सच्या तिच्या फोटोवर आल्या आहेत.
मालिका, नाटक आणि सिनेमा अशा वेगवेगळ्या माध्यमांमध्ये तिने विविध भूमिका साकारल्या आहेत प्राजक्ता प्रशिक्षित भरतनाट्यम नृत्यांगना असून तिने अरंगेत्रम आणि विशारद पूर्ण केले आहे. यासह प्राजक्ताला सांस्कृतिक विभागाकडून भरतनाट्यमसाठी शिष्यवृत्तीही देण्यात आली आहे.