Redmi 10 नव्हे तर Redmi 10 Prime येणार भारतात; 50MP कॅमेरा असलेला रेडमी फोन वेबसाईटवर लिस्ट
By सिद्धेश जाधव | Published: August 20, 2021 03:45 PM2021-08-20T15:45:43+5:302021-08-20T15:49:11+5:30
Redmi 10 Prime India: सर्टिफिकेशनवरून Redmi 10 Prime चे काही स्पेसिफिकेशन्स समोर आले आहेत आणि हा स्मार्टफोन मलेशियातील Redmi 10 चा रिब्रँड व्हर्जन असल्याचे दिसत आहे.
Redmi 10 नव्हे तर Redmi 10 Prime येणार भारतात; 50MP कॅमेरा असलेला रेडमी फोन वेबसाईटवर लिस्ट
दोन दिवसांपूर्वी Xiaomi ने आपली नवीन बजेट स्मार्टफोन सीरिज Redmi 10 लाँच केली आहे. या सीरिजमधील Redmi 10 Prime स्मार्टफोन लवकरच भारतात लाँच केला जाऊ शकतो. Redmi 10 Prime स्मार्टफोन लाँच होण्याआधीच IMEI डेटाबेस आणि Bluetooth SIG सर्टिफिकेशनवर लिस्ट करण्यात आला आहे. या सर्टिफिकेशन लिस्टिंगमुळे हा फोन लवकरच देशात सादर केला जाईल, अशी चर्चा आहे.
ब्लूटूथ एसआयजी वेबसाईटवर Redmi 10 फोन मॉडेल नंबर 210611109BI सह दिसला आहे. या सर्टिफिकेशनवरून Redmi 10 Prime चे काही स्पेसिफिकेशन्स समोर आले आहेत आणि हा स्मार्टफोन मलेशियातील Redmi 10 चा रिब्रँड व्हर्जन असल्याचे दिसत आहे. काही दिवसांपूर्वी टीपस्टार Kacper Skrzypek ने देखील अशीच माहिती दिली होती.
Redmi 10 चे फिचर आणि स्पेसिफिकेशन्स
Xiaomi Redmi 10 स्मार्टफोनमध्ये 6.5-इंचाचा आयपीएस एलसीडी डिस्प्ले देण्यात आला आहे. पंच होल कट-आऊटसह येणार हा डिस्प्ले 90Hz रिफ्रेश रेट आणि 20:9 अस्पेक्ट रेशियोला सपोर्ट करतो. या डिस्प्लेला गोरिल्ला ग्लास 3 ची सुरक्षा देण्यात आली आहे. सिक्योरिटीसाठी यात उजव्या पॅनलवर पावर बटनमध्ये फिंगरप्रिंट सेन्सर देण्यात आला आहे. तसेच यात ड्युअल 4G VoLTE, Wi-Fi 5, Bluetooth 5.0, GPS, IR blaster, Qj 3.5mm ऑडियो जॅक असे कनेक्टिव्हिटी ऑप्शन देण्यात आले आहेत.
लाँच पूर्वी शाओमीने सांगितल्याप्रमाणे या स्मार्टफोनमध्ये मीडियाटेकचा Helio G88 चिपसेट देण्यात आला आहे. हा एक गेमिंग चिपसेट आहे असे कंपनीने म्हटले होते. या रेडमी फोनमध्ये 6GB पर्यंतचा LPDDR4x RAM आणि 128GB पर्यंतची eMMC स्टोरेज देण्यात आली आहे. हा बजेट स्मार्टफोन Android 11 ऑपरेटिंग सिस्टम आधारित MIUI 12.5 वर चालतो.
Xiaomi Redmi 10 मध्ये कंपनीने क्वॉड रियर कॅमेरा सेटअप दिला आहे. यात 50-मेगापिक्सलचा मुख्य कॅमेरा देण्यात आला आहे, त्याचबरोबर 8-मेगापिक्सलची अल्ट्रा वाईड लेन्स, 2 मेगापिक्सलचा मॅक्रो कॅमेरा आणि 2 मेगापिक्सलचा डेप्थ सेन्सर कॅमेरा मिळतो. सेल्फी आणि व्हिडीओ कॉलिंगसाठी या फोनमध्ये 8 मेगापिक्सलचा फ्रंट कॅमेरा मिळतो. या रेडमी नव्या फोनमधील 5,000mAh ची बॅटरी 18W फास्ट चार्जिंगला सपोर्ट करते.
