“आता जितेंद्र आव्हाड यांचा नंबर; लिस्टमधील १२वा खेळाडू!”; किरीट सोमय्यांचा दावा
By ऑनलाइन लोकमत | Published: September 1, 2021 04:23 PM2021-09-01T16:23:04+5:302021-09-01T16:25:32+5:30
ठाकरे सरकारच्या डर्टी ११ नंतर १२ नंबर जितेंद्र आव्हाड यांचा लागणार असल्याचा मोठा दावा किरीट सोमय्या यांनी केला आहे.
“आता जितेंद्र आव्हाड यांचा नंबर; लिस्टमधील १२वा खेळाडू!”; किरीट सोमय्यांचा दावा
Next नाशिक: शिवसेना नेते आणि परिवहनमंत्री अनिल परब तसेच शिवसेना खासदार भावना गवळी यांच्याशी संबंधित ठिकाणावर छापा टाकत ईडीने कारवाई केली. इतकेच नव्हे तर अनिल परब यांना नोटीस बजावत उपस्थित राहण्यास सांगितले. अनिल परब यांनी १४ दिवसांची मुदत मागितली असून, या सर्व घटनांचे भाजपकडून स्वागत करण्यात आले आहे. १२० कोटींच्या मालमत्ता जप्ती प्रकरणी छगन भुजबळ यांची मंत्रिमंडळातून हकालपट्टी करावी. तसेच ठाकरे सरकारच्या डर्टी ११ नंतर १२ नंबर जितेंद्र आव्हाड यांचा लागणार असल्याचा मोठा दावा किरीट सोमय्या यांनी केला आहे. (bjp kirit somaiya claims that now ncp jitendra awhad may next target of ed)
“थोडं थांबा... दिवाळीनंतर राज्यात आपलंच सरकार येणार आहे”; सुजय विखेंचा दावा
नाशिक येथे पत्रकार परिषद घेऊन भाजप नेते किरीट सोमय्या यांनी छगन भुजबळ यांच्यावर हल्लाबोल केला. भुजबळ ज्या नऊ मजली इमारतीत राहतात, त्या इमारतीशी तुमचा संबंध काय हे भुजबळांनी स्पष्ट करावे, अशी मागणी करत तुम्ही तुमच्या परिवारासोबत ज्या महालात राहता, तो महाल उभारण्यासाठी तुमच्याकडे पैसा कुठून आला. मुख्यमंत्री उद्धव ठाकरे आणि शरद पवार यांनी भुजबळांच्या संपत्तीची माहिती द्यावी, असे आव्हान किरीट सोमय्या यांनी केले.
“सत्ता मिळाल्यावर हिंदुत्वाची भूमिका बदलणाऱ्याची घंटा जनता वाजवल्याशिवाय राहणार नाही”; मनसेचा पलटवार
लिस्टमधला १२वा खेळाडू जितेंद्र आव्हाड!
किरीट सोमय्या यांनी आज नाशिकमध्ये येऊन आधी राज्याचे अन्न व नागरी पुरवठा मंत्री छगन भुजबळ यांच्या आर्मस्ट्राँग कंपनीची पाहणी केली. यावेळी पोलिसांचा मोठा बंदोबस्त ठेवण्यात आला होता. यानंतर घेतलेल्या पत्रकार परिषदेत ईडीच्या लिस्टमधील १२वा खेळाडू कोण, असा प्रश्न किरीट सोमय्या यांना विचारण्यात आला. त्यावर लिस्टमधला १२वा खेळाडू जितेंद्र आव्हाड आहे, असे मोठे विधान सोमय्या यांनी केले. तसेच यावर अधिक बोलणे त्यांनी टाळले. त्यामुळे ईडीची पुढची नोटीस आव्हाडांना येणार आहे का, याकडे सर्वांचे लक्ष लागले आहे.
“सत्तेच्या गैरवापराबाबत सुप्रिया सुळे यांनी वडिलांना विचारावं”; चंद्रकांत पाटील यांचे प्रत्युत्तर
आता भ्रष्ट नेत्यांना मंत्रिमंडळात कसं ठेवू शकता?
किरीट सोमय्या यांनी मुख्यमंत्री उद्धव ठाकरे यांना जुन्या गोष्टीचे स्मरण करून देत, उद्धव ठाकरे यांनी भाजपसोबत असताना ईडीने केलेल्या कारवाईच कौतुक केले होते. मग आता भ्रष्ट नेत्यांना मंत्रिमंडळात कसे ठेवू शकता?, असा सवाल केला. अनिल परब यांच्याविरोधात पहिली तक्रार मीच दिली होती. त्याची सुनावणी सुरू आहे. परब यांच्या मर्जीतील अधिकारी बजरंग खरमाटे यांचीही चौकशी सुरू आहे. मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांनी अनिल देशमुख यांना लपवून ठेवले, असा टोलाही किरीट सोमय्या यांनी लगावला.
“घंटानाद करा, आणखी काही करा; पण आमचा नाद करू नका”; शिवसेनेचा राज ठाकरेंना टोला
दरम्यान, कागदावर या नऊ मजली महालाचा मालक परवेझ कन्स्ट्रक्शन प्रायव्हेट लिमिटेड आहे. परवेझ कन्स्ट्रक्शनशी आपला संबंध काय? त्यांना तुम्ही भाडे देता की त्यांच्याकडून विकत घेतले आहे? परवेझ कंपनीसोबतच इतरही काही कंपन्यांची नावे घेत या कंपन्या बोगस असल्याचा आरोप सोमय्या यांनी केला. या कंपन्या चालवणाऱ्या लोकांना ईडीने अटक केली होती, आयकर विभागाने त्यांचे स्टेटमेंट घेतल्यावर त्यांनी सांगितले की, भुजबळांनी आम्हाला रोख पैसे दिले, ते आम्ही या कंपन्यांमध्ये टाकले, असे किरीट सोमय्या यांनी स्पष्ट केले आहे. छगन भुजबळ आपल्या परिवारासोबत ज्या घरात राहतात, ती इमारतही बेनामी असल्याचा दावा किरीट सोमय्या यांनी यावेळी बोलताना केला.