धबधब्यात अडकलेल्या दोघांना वाचण्यासाठी पगडीच्या सहाय्याने बनवली दोरी, पाहा VIDEO
By ऑनलाइन लोकमत | Published: October 20, 2021 02:43 PM2021-10-20T14:43:23+5:302021-10-20T14:48:12+5:30
पगडीच्या सहाय्याने लांब दोरी बनवली आणि धबधब्यात अडकलेल्या दोघांची सुटका केली
धबधब्यात अडकलेल्या दोघांना वाचण्यासाठी पगडीच्या सहाय्याने बनवली दोरी, पाहा VIDEO
Next सोशल मीडियावर अनेकदा बचाव कार्याचे व्हिडिओ व्हायरल होत असतात. आताही अशाच प्रकारचा एक व्हिडिओ व्हायरल झाला आहे. गिर्यारोहनासाठी गेलेले दोन जण धबधब्यात अडकले, त्यांना वाचवण्यासाठी काही शीख तरुणांनी आपल्या पगडीच्या सहाय्याने दोरी बनवून दोघांची सुटका केल्याची घटना घडली आहे.
मिळालेल्या माहितीनुसार, कॅनडात काही शीखांनी आपल्या पगडीच्या कपड्याचा वापर करुन धबधब्यात अडकलेल्या दोन गिर्यारोहकांची सुटका केली आहे. ग्लोबल न्यूजने दिलेल्या वृत्तानुसार, कुलजिंदर किंडा चार मित्रांसोबत ब्रिटिश कोलंबियाच्या गोल्डन इअर्स पार्कमध्ये हायकिंग करत असताना त्यांना दोन माणसे धबधब्यात पडल्याचे दिसले. यानंतर किंडा आणि त्याच्या मित्रांनी पगडीच्या सहाय्याने लांब दोरी बनवली आणि धबधब्यात अडकलेल्या दोघांची सुटका केली. त्यांच्या या कार्यामुळे त्यांच्यावर कौतुकांचा वर्षाव होत आहे.
A video of the incident on Monday, in which five Sikh hikers tied their dastaars (turbans) together to save a man who had slipped and fallen at the Lower Falls at Golden Ears Park. Video courtesy @globalnews
— Sikh Community of BC (@BCSikhs) October 16, 2021
Kudos to these young men on their quick thinking and selflessness. pic.twitter.com/XQuX27OH5i
किंडाने या घटनेचा व्हिडिओ आपल्या व्हॉट्सअॅपवर पोस्ट केल्यानंतर तो इतरांनी फेसबुक आणि ट्विटरसारख्या सोशल मीडिया प्लॅटफॉर्मवर व्हायरल केला. याबाबत एनबीसी न्यूजशी बोलताना त्यांनी सांगितले की, आम्हाला दोनजण धबधब्यात अडकल्याचे दिसल्यावर आम्ही आपात्कालीन नंबरवर फोन करण्याचा विचार केला, पण तोपर्यंत उशीर झाला असता. म्हणून आम्हीच पकडीच्या मदतीने दोरू बनवून त्यांना बाहेर काढण्याचा निर्णय घेतला.