विधानपरिषद निवडणूकः मतदान करतानाचा व्हिडिओ झाला व्हायरल, जिल्हाधिकाऱ्यांचे कारवाईचे निर्देश
By ऑनलाइन लोकमत | Published: December 1, 2020 01:50 PM2020-12-01T13:50:05+5:302020-12-01T14:09:02+5:30
मतदान केंद्रावर मोबाईल किंवा अन्य कोणत्याही इलेक्ट्रॉनिक वस्तू नेण्यास प्रतिबंध आहे.
विधानपरिषद निवडणूकः मतदान करतानाचा व्हिडिओ झाला व्हायरल, जिल्हाधिकाऱ्यांचे कारवाईचे निर्देश
Next कळंब : पदवीधर मतदारसंघासाठी सुरू असलेल्या मतदानावेळी केंद्रात मोबाईल नेऊन मतदानाचा व्हिडिओ केल्याचा प्रकार कळंब येथे दुपारी समोर आला आहे. याप्रकरणी जिल्हाधिकारी कौस्तुभ दिवेगावकर यांनी निर्देश दिले आहेत.
उस्मानाबाद जिल्ह्यात पदवीधर मतदारसंघासाठी 72 केंद्रावरून मतदान प्रक्रिया सुरू आहे. दुपारी 12 वाजेपर्यंत 20 टक्के मतदान झाले आहे. दरम्यान, मतदान केंद्रावर मोबाईल किंवा अन्य कोणत्याही इलेक्ट्रॉनिक वस्तू नेण्यास प्रतिबंध आहे. असे असतानाही कळंब येथील मतदान केंद्रावर एका मतदाराने मोबाईल आत नेऊन मतदानाचा व्हिडीओ तयार केला. तरुणाने हा व्हिडीओ समाजमाध्यमात व्हायरल केला आहे. यानंतर या व्हायरल व्हिडीओची तक्रार जिल्हाधिकाऱ्यांपर्यंत पोहोचली. जिल्हाधिकारी कौस्तुभ दिवेगावकर यांनी या प्रकाराची दखल घेत तातडीने संबंधित व्यक्तीवर कारवाई करण्याचे निर्देश कळंब येथील उपविभागीय अधिकाऱ्यांना दिले आहेत.