हम साथ साथ है! प्रीती झिंटाच्या रिसेप्शनला सलमानसोबत लुलियाही हजर..

ऑनलाइन लोकमत

मुंबई, दि, १४ - बॉलिवूडचा दबंग स्टार अभिनेता सलमान खान आणि त्याची गर्लफ्रेंड लुलिया व्हंतूर हे दोघेही लवकरच लग्नबंधनात अडकणार असल्याची चर्चा जोर धरू लागली असून काही दिवसांपूर्वी लुलिया सलमानच्या कुटुंबियांसोबत एअरपोर्टवरही दिसली होती. त्यामुळे खान कुटुंबियांचाही या नात्याला होकार असून या वर्षाअखेरीस ते दोघे लग्न करणार असल्याचे वृत्त होते. मात्र सलमानने त्यावर कोणतेही भाष्य केले नव्हते. 

मात्र अभिनेत्री प्रीती झिंटाच्या रिसेप्शनला लुलियासोबत जाहीर हजेरी लावून सलमानने सर्व चर्चांना पूर्णविराम देत 'हम साथ साथ है' असेच स्पष्ट केल्याचे दिसते. दोन महिन्यांपूर्वी अभिनेत्री प्रीती झिंटा  बॉयफ्रेंड जेन गुडइनफसोबत विवाहबंधनात अडकली. हा विवाहसोहळा अगदी खासगी स्वरूपात झाला असला तरीही काल (१३ मे) तिने मुंबईतील एका हॉटेलमध्ये प्रीती-जेनचा भव्य रिसेप्शन सोहळा पार पडला.

शाहरूख खानपासून माधुरी दीक्षित पर्यंत बॉलिवूडमधील सर्व कलाकार मंडळीनी या रिसेप्शनला हजेरी लावत या दांपत्याला शुभेच्छा दिल्या. मात्र या सोहळ्याचे आकर्षण ठरला तो सलमान खान... प्रीती-जेन या जोडीपेक्षाही सर्वांचे लक्ष खिळले होते सलमान आणि लुलियावर.. 

एरवी मीडियापासून दूर राहणारी लुलिया या रिसेप्शनला सलमानसोबतच हजर होती आणि सलमानही तिच्या सानिध्यात अगदी कम्फर्टेबल दिसत होता.. त्यामुळे आता या दोघांचे नाते ऑफिशिअली समोर आले असून लवकरच त्यांच्या लग्नाची तारीखही जाहीर होईल, अशी त्याच्या चाहत्यांना आशा आहे.