क्रोधात तो सारे विसरला, शेजाऱ्याला अडकविण्यासाठी स्वतःच्याच चिमुकलीचा प्राण घेतला

मंठा (जि.जालना) : तालुक्यातील केहाळ वडगाव येथील दोन कुटुंबात किरकोळ कारणावरून वाद झाले होते. याचवेळी समोरच्या व्यक्तीला खुनाच्या गुन्ह्यात ( Murder Case ) अडकविण्यासाठी बापानेच तीन महिन्याच्या चिमुकलीचा खून ( father Killed His Own Daughter ) केल्याची घटना गुरूवारी रात्री आठ वाजेच्या सुमारास घडली. स्नेहा अविनाश चव्हाण (३) असे मयत मुलीचे नाव आहे.

गुरूवारी रात्री केहाळ वडगाव येथील अविनाश लिंबा चव्हाण यांच्या घरासमोर गावातील ज्योती प्रशांत रणवीर व तिची आई पंचफुलाबाई या शौचास बसल्या होत्या. त्यांना आरोपी अविनाश याने तुम्ही येथे शौचास का बसता, असे म्हणाला. तेव्हा ज्योती व तिची आई पंचफुलाबाई यांनी घरच्यांनी ही बाब सांगितले. त्यानंतर या महिलांच्या घरातील लोक अविनाश याला जाब विचारण्यासाठी गेले. त्याचवेळी अविनाशने जाब विचारणाऱ्यांना अद्दल घडवून, त्यांना खुनाच्या गुन्ह्यात अडकविण्यासाठी स्वत:च्या तीन महिन्याच्या स्नेहा नावाच्या मुलीला निर्दयीपणे जोरात जमिनीवर आपटविले. स्नेहाच्या डोक्याला मार लागल्याने ती जागीच मरण पावली. 

गावातील नागरिकांनी तात्काळ स्नेहाला उपचारासाठी मंठा येथे नेले. डॉक्टरांनी तिला तपासून मृत घोषित केले. या प्रकरणी रमेश लिंबा चव्हाण यांच्या फिर्यादीवरून मंठा पोलीस ठाण्यात गुन्हा दाखल करण्यात आला असून, पुढील तपास पोलीस उपनिरीक्षक राऊत हे करत आहेत.

हेही वाचा : 
- पैशांपुढे नाते विसरले; अडीच लाखांसाठी आतेभावानेच काढला बहिणीचा काटा
- मानलेल्या बहिणीने प्रियकराच्या मदतीने फसविल्याने तरुणाची आत्महत्या

Web Title: He forgot all about it in anger, killing his own daughter to get his neighbor involved in murder case

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.