प्राणी संग्रहालयात सिंहाच्या पिंजऱ्यात घुसला व्यक्ती, थोडक्यात वाचला जीव; पाहा VIDEO
By ऑनलाइन लोकमत | Published: November 24, 2021 08:54 AM2021-11-24T08:54:56+5:302021-11-24T08:56:00+5:30
हैदराबादमधील नेहरू प्राणिसंग्रहालयात हा धक्कादायक प्रकार घडला आहे.
प्राणी संग्रहालयात सिंहाच्या पिंजऱ्यात घुसला व्यक्ती, थोडक्यात वाचला जीव; पाहा VIDEO
Next हैदराबाद: सोशल मीडियावर प्राणिसंग्रहालयातील अनेक व्हिडिओ व्हायरल होत असतात. यातील काही व्हिडिओमध्ये पिंजऱ्यात आलेल्या व्यक्तींवर प्राण्यांनी हल्ला केल्याचे व्हिडिओही असतात. असाच काहीसा प्रकार हैदराबादमधील नेहरू प्राणिसंग्रहालयात घडला आहे. या प्राणी संग्रहालयात आफ्रिकन सिंह आहेत, एक व्यक्ती त्या सिंहाच्या पिंजऱ्यात घुसला. पण, सुदैवाने त्याला काही झाले नाही.
मिळालेल्या माहितीनुसार, नेहरू प्राणिसंग्रहालयात सिंहांना पिंजऱ्याऐवजी खुल्या जागेत ठेवले जाते. एक व्यक्ती अचानक त्या सिंहांच्या आवारात घुसला. त्या व्यक्तीला पाहून सिंहाने त्याच्यावर हल्ला करण्याची पूर्ण तयारी केली होती. पण, सुदैवाने त्या व्यक्तीला काहीच झाले नाही. अखेर प्राणीसंग्रहालयाच्या कर्मचार्‍यांनी त्या माणसाची सुटका केली आणि त्याला पोलिसांच्या स्वाधिन केले.
#WATCH | Telangana: A 31-year-old man who went close to an African lion moat area at Nehru Zoological Park in Hyderabad was rescued by the zoo authorities and handed over to police earlier today pic.twitter.com/Xo4G7gL7pN
— ANI (@ANI) November 23, 2021
व्हायरल होत असलेला हा व्हिडिओ एएनआय या वृत्तसंस्थेने शेअर केला आहे. या व्हिडीओमध्ये तुम्ही बघू शकता की, आत एक सिंह उभा आहे आणि तो व्यक्ती दगडांवर बसलेला आहे. सिंह त्या व्यक्तीकडे हल्ला करण्याच्या उद्देशाने बघत आहे, हे दृष्य पाहून कोणाच्याही अंगाचा थरकाप उडेल. पण, काही वेळानंतर प्राणिसंग्रहालयाचा एक कर्मचारी येतो आणि त्या व्यक्तीला तेथून घेऊन जातो. जी साई कुमार असे त्या व्यक्तीचे नाव असून, त्याला पोलिसांच्या स्वाधिन करण्यात आले आहे.