खुनाच्या घटनेने पुणे हादरले; मैत्रिणीसोबत फिरण्यासाठी गेलेल्या तरुणाचा निर्घृण खून
By ऑनलाइन लोकमत | Published: December 9, 2022 12:16 PM2022-12-09T12:16:25+5:302022-12-09T12:18:37+5:30
19 वर्षे तरुणाचा चाकूने वार करून निर्घृण खून
खुनाच्या घटनेने पुणे हादरले; मैत्रिणीसोबत फिरण्यासाठी गेलेल्या तरुणाचा निर्घृण खून
Next पुणे/किरण शिंदे : एका निर्घृण हत्याकांडाने पुणे शहर पुणे हादरले आहे. मित्र आणि मैत्रिणी सोबत तळजाई परिसरात फिरण्यासाठी गेलेल्या एका 19 वर्षे तरुणाचा चाकूने वार करून निर्घृण खून करण्यात आला. गुरुवारी सायंकाळी पाच वाजण्याच्या सुमारास हा प्रकार घडला. सहकारनगर पोलीस ठाण्यात याप्रकरणी खुनाचा गुन्हा दाखल करण्यात आला आहे. साहिल कसबे (वय 19) असे खून झालेल्या तरुणाचे नाव आहे. याप्रकरणी तिघांवर गुन्हा दाखल करण्यात आला आहे.
याप्रकरणी अधिक माहिती अशी की, मयत साहिल हा गुरुवारी सायंकाळी मित्र आणि मैत्रिणी सोबत तळजाई परिसरात फिरण्यासाठी गेला होता. यावेळी एके ठिकाणी तो गेला असता तीन आरोपी त्या ठिकाणी आले. दुसऱ्याच्या मैत्रिणीसोबत फिरतोस काय असे म्हणून त्याला मारहाण करण्यात आले. तर एका आरोपीने चाकूने त्याच्या पोटावर आणि सर्वांगावर वार केले. रक्तबंबाळ अवस्थेत त्याला सोडून आरोपी पळून गेले.
दरम्यान गंभीर जखमी अवस्थेत असलेल्या साहिलला त्याच्या मित्रांनी रुग्णालयात दाखल केले. मात्र उपचारापूर्वीच त्याचा मृत्यू झाला. दरम्यान माहिती मिळताच सहकारनगर पोलिसांनी घटनास्थळी धाव घेत पंचनामा केला. दोन आरोपींची नावे निष्पन्न झाली असून त्यांचा शोध घेतला जात आहे.