बिअरच्या बिलावरून राडा; दोघांनी केला तलवारीने प्राणघातक हल्ला
By लोकमत न्यूज नेटवर्क | Published: October 8, 2021 12:57 PM2021-10-08T12:57:43+5:302021-10-08T12:58:09+5:30
crime in hingoli :
बिअरच्या बिलावरून राडा; दोघांनी केला तलवारीने प्राणघातक हल्ला
Next वसमत (जि. हिंगोली) : येथील सुर्याबार परिसरात असलेल्या बिअर शॉपीवर बुधवारी रात्री बिअरचे बिल का देत नाही, या कारणावरुन दोघांना काठी, बिअरच्या बाटल्यांनी मारहाण केली. तसेच तलवारीने डोक्यात मारुन प्राणघातक हल्ला ( attack with a sword) केला. याप्रकरणी शहर पोलीस ठाण्यात जीवे मारण्याचा प्रयत्न केला. याप्रकरणी गुन्हा दाखल करण्यात आला आहे.
वसमत शहरातील सुर्याबार परिसरात असलेल्या बिअर शॉपीवर बुधवारी रात्री ९ वाजेच्या सुमारास फिर्यादी शे. अल्ताफ शे. युसूफ याला त्याच्या मित्रास बिअरचे पूर्ण बिल का देत नाही. या कारणावरुन आरोपी धन्नुवडपली, किशोरवडपली व एक अनोळखीने बिअरच्या बाटल्या व काठ्यानी मारहाण केली. फिर्यादीच्या डोक्यात तलवारीने वार करुन जीवे मारण्याचा प्रयत्न केला.
याप्रकरणी शहर पोलीस ठाण्यात शे. अल्ताफ यांनी दिलेल्या फिर्यादीवरुन गुन्हा दाखल केला. घटनास्थळी सहाय्यक पोलीस अधीक्षक यतीश देशमुख, पोनि. शिवाजी गुरमे, फौजदार प्रकाश आवडे, कृष्णा चव्हाण, शंकर केंद्रे यांनी भेट देऊन पंचनामा केला.
हेही वाचा : पैशांपुढे नाते विसरले; अडीच लाखांसाठी आतेभावानेच काढला बहिणीचा काटा