अरे बाप रे... महापालिकेच्या घंटागाडीला लटकून आजीचा थरारक जीवघेणा प्रवास
By ऑनलाइन लोकमत | Published: January 16, 2022 10:21 PM2022-01-16T22:21:14+5:302022-01-16T22:23:08+5:30
मिरज शहरातल्या स्टेशन चौक येथून विजय नगर पर्यंत गाडीला लटकून आजीबाईचा हा थरारक लिफ्टचा प्रवास मोबाईल कॅमेऱ्यात कैद झाला आहे.
![Oh my gosh ... Spiderman Grandma's thrilling journey hanging on the bell in miraj sangli | अरे बाप रे... महापालिकेच्या घंटागाडीला लटकून आजीचा थरारक जीवघेणा प्रवास Oh my gosh ... Spiderman Grandma's thrilling journey hanging on the bell in miraj sangli | अरे बाप रे... महापालिकेच्या घंटागाडीला लटकून आजीचा थरारक जीवघेणा प्रवास](https://d3pc1xvrcw35tl.cloudfront.net/images/840x630/catsajie_202201755789.jpg)
अरे बाप रे... महापालिकेच्या घंटागाडीला लटकून आजीचा थरारक जीवघेणा प्रवास
सांगली : मिरज परिसरात महापालिकेच्या घंटा गाडीला लटकत आजीने प्रवास केल्याचा धक्कादायक प्रकार समोर आला आहे. नागरिकांमधून या घटनेबाबत संताप व्यक्त होत आहे. मिरज शहरातील एका आजीबाईंच्या लिफ्टचा थरारक व्हिडीओ व्हायरल झाला आहे. कारण, या आजीच्या लिफ्टचा प्रकार हा गाडीत बसून नव्हता तर गाडीला लटकून होता. सोशल मीडियावर आजाबाईची चर्चा रंगली आहे.
मिरज शहरातल्या स्टेशन चौक येथून विजय नगर पर्यंत गाडीला लटकून आजीबाईचा हा थरारक लिफ्टचा प्रवास मोबाईल कॅमेऱ्यात कैद झाला आहे. विशेष म्हणजे महापालिकेच्या घंटागाडीला लटकून या आजीबाईचा हा थरारक प्रवास झाला आहे. स्टेशन चौक येथून आजीबाई नेम घंटागाडीला लिफ्ट मागितली आणि त्यानंतर घंटागाडी चालकाने आजीला मागे उभारण्यास सांगितलं आणि आजीने पण थेट गाडीच्या एका बाजूला उभा राहात तीन ते चार किलोमीटरचा प्रवास केला. या दरम्यान काही नागरिकांना हा प्रकार निदर्शनास आला, त्यांनी आपल्या मोबाईलमध्ये सदरचा प्रकार कैद केला. तसेच, पुढे जाऊन ही गाडी थांबवत घंटागाडी चालकाची चांगलीच कानउघडणी केली.