ATM Cash Withdrawal Charges : एटीएममधून पैसे काढणं होणार महाग, नववर्षापासून होणार बदल, पाहा डिटेल्स
By ऑनलाइन लोकमत | Published: December 3, 2021 09:28 AM2021-12-03T09:28:24+5:302021-12-03T09:34:17+5:30
ATM Cash Withdrawal Charges : १ जानेवारीपासून एटीएममधून पैसे काढणं महाग होणार आहे. पाहा किती वाढणार शुल्क.
ATM Cash Withdrawal Charges : पुढील महिन्यापासून एटीएममधून कॅश काढणं महाग होणार आहे. १ जानेवारी २०२२ पासून फ्री ट्रान्झॅक्शनचं लिमिट पार केल्यानंतर पैसे काढल्यास ग्राहकांना अधिक शुल्क द्यावं लागेल.
जून महिन्यातच भारतीय रिझर्व्ह बँकेनं बँकांना १ जानेवारी २०२२ पासून मासिक मर्यादेपेक्षा अधिक रक्कम किंवा एटीएममधून अन्य ट्रान्झॅक्शन केल्यास त्यावर लागणारं शुल्क वाढवण्याची परवानगी दिली होती.
RBI च्या मार्गदर्शक सूचनांनुसार अॅक्सिस बँक किंवा अन्य बँकांच्या एटीएममझून १ जानेवारीपासू मोफत मर्यादेच्यावर आर्थिक देवाण-घेवाण झाल्या २१ रूपये अधिक जीएसटी असं शुल्क आकारलं जाणार असल्याची माहिती अॅक्सिस बँकेकडून देण्यात आली.
जानेवारी २०२२ पासून ग्राहकांना मोफत मर्यादेनंतर एटीएममधून ट्रान्झॅक्शन करायचं असल्यास त्यांच्याकडून प्रत्येक ट्रान्झॅक्शनसाठी २० रूपयांऐवजी २१ रूपये शुल्क आकारलं जाईल.
वाढलेलं इंटरचेंज शुल्क आणि किंमतीत झालेली वाढ पाहता मोफत मर्यादेनंतर प्रत्येक ट्रान्झॅक्शनसाठी ग्राहक शुल्क २१ रूपये करण्यास परनावगी देण्यात आली आहे. ही दरवाढ १ जानेवारी २०२२ पासून लागू केली जाणार असल्याचं रिझर्व्ह बँकेनं सांगितलं.
ग्राहकांना आपलं खातं असलेल्या बँकेच्या एटीएममधून दर महिन्याला पाच ट्रान्झॅक्शन (आर्थिक किंवा अन्य) करता येतील. मेट्रो सिटीमध्ये अन्य एटीएममधून तीन आणि नॉन मेट्रो सिटीमध्ये पाच वेळा मोफत ट्रान्झॅक्शन करू शकतात.
याशिवाय रिझर्व्ह बँकेनं आर्थिक देवाण-घेवाणीसाठी इंटरचेज शुल्क १५ रुपयांवरून वाढवून १७ रुपये आणि सर्व केंद्रांवर विना-आर्थिक ट्रान्झॅक्शनसाठी ६ रूपयांवरून ७ रुपये करण्याची परवानगी दिली होती. १ ऑगस्ट २०२१ पासून याची अंमलबजावणी झाली.