क्रिकेटचे दिग्गज ताडोबातील वाघांच्या भेटीला
By लोकमत न्यूज नेटवर्क | Published: September 4, 2021 07:14 PM2021-09-04T19:14:36+5:302021-09-04T19:15:07+5:30
Chandrapur News जगातल्या भल्याभल्यांना ताडोबातील वाघांनी भुरळ घातली आहे. अनेक सेलिब्रिटी कलावंत, क्रिकेटर वाघाच्या भेटीला ताडोबात येतात. क्रिकेटचा देव भारतरत्न सचिन तेंडुलकर, युवराज सिंग आणि सुरेश रैना हेदेखील आपल्या परिवारासह शनिवारी ताडोबात दाखल झाले आहेत.
क्रिकेटचे दिग्गज ताडोबातील वाघांच्या भेटीला
राजकुमार चुनारकर
लोकमत न्यूज नेटवर्क
चंद्रपूर : जगातल्या भल्याभल्यांना ताडोबातील वाघांनी भुरळ घातली आहे. अनेक सेलिब्रिटी कलावंत, क्रिकेटर वाघाच्या भेटीला ताडोबात येतात. क्रिकेटचा देव भारतरत्न सचिन तेंडुलकर, युवराज सिंग आणि सुरेश रैना हेदेखील आपल्या परिवारासह शनिवारी ताडोबात दाखल झाले आहेत. एका खासगी रिसोर्टमध्ये त्यांचा मुक्काम असून, शनिवारी सायंकाळी ४ वाजता मदनापूर बफर गेटमधून त्यांनी जंगल सफारी केली. (Cricket legends, Sachin Tendulkar, Suresh Raina and Yuvi visit tigers in Tadoba)
सचिन तेंडुलकर याच वर्षी २६ जानेवारीला कोलारा गेटवर चार दिवस पत्नी अंजली व मित्र परिवारासह मुक्कामाला होता. तेव्हा कोलारा गेट, अलिझंझा गेट, मदनापूर गेट, बेलारा गेटवरून सफारी केली असता त्यांनी १२ वाघांचे दर्शन घेऊन ताडोबाचा निरोप घेतला होता. यावेळी सर्व जण तीन दिवसांच्या मुक्कामाला आहेत. ७ सप्टेंबरला ते निरोप घेणार आहेत.
रैना, युवराज पहिल्यांदाच ताडोबात
सिक्सरची बरसात करणारा डावखुरा फलंदाज युवराज सिंग व सलामीचा फलंदाज सुरेश रैना हे ताडोबात पहिल्यांदाच आले आहेत.
